შესავალი
ზაფხულში ტემპერატურის მატებასთან ერთად აუცილებელია სახლის გაგრილება, თანამედროვე კონდიციონერი უზრუნველყოფს არა მხოლოდ გაგრილებას და ჰაერის ბრუნვას, ასევე აღურვილია ჰაერის ფილტრით, რაც ამცირებს არასარურველი ჰაერის შემოსვლას სახლში. იმის გამო რომ უამრავი სახის კონდიციონერი არსებობს რთულია სასურველის არჩევა. ამ ბლოგში ვეცდებით გაგიადვილოთ არჩევანის გაკეთება.
ენერგოეფექტურობა
კონდიციონერის შერჩევისას ერთ-ერთი უმნიშვნელოვანესი ფაქტორი ენერგოეფექტურობაა. ენერგოეფექტურობა ხელს უწყობს გარემოს დაცვას და ამცირებს ელექტრო ენერგიის მოხმარებას, რაც საბოლოოდ თქვენს კეთილდღეობაზე აისახება.
აქვე გაგაცნობთ რამდენიმე ფაქტორს, რაც გაგიადვილებთ ენერგოეფექტური კონდიციონერის შერჩევას.
- ენერგოეფექტურობის ვარსკვლავები – შეარჩიეთ კონდიციონერი რომელსაც აქვს ენერგოეფექტურობის ვარსკვლავის (Energy Star) ეტიკეტი. არსებობს საერთაშორისო სტანდარტები თუ როგორი უნდა იყოს ენერგოეფექტური კონდიციონერი. მოდელები, რომლებსაც ენერგოეფექტურობის ვარსკვლავი აქვთ მინიჭებული იყენებენ 10–15 პროცენტით ნაკლებ ენერგიას სხვა კონდიციონერებთან შედარებით.
- ჭკვიანი ფუნქციები და თერმოსტატები – თანამედროვე კონდიციონერებს ხშირად აქვთ ჭკვიანური ფუნქციები და დაპროგრამებული თერმოსტატები, რომლებიც საშუალებას გაძლევთ დააყენოთ დრო, რომ გაგრილდეს და აკონტროლოთ ტემპერატურა დისტანციურად მობილური აპლიკაციით. ასეთი ფუნქციები კიდევ ერთი ფაქტორია ელექტრო ენერგიის დასაზოგად და მაქსიმალური კომფორტის შესაქმნელად.
- შესაფერისი ზომა – კონდიციონერის ზომის სწორად შერჩევა აუცილებელია როგორც ენერგიის ადეკტავურად გამოყენებისთვის ასევე კონდიციონერის გამართულად და ხანგრძლივად მუშაობისთვის. ისევე როგორც გამათბობელს სჭირდება შესაბამისი ფართი გათბობისთვის და დაუშვებელია მცირე ენერგიის გამათბობელი დავამონტაჟოთ დიდ ოთახში ასევე სჭირდება კონდიციონერს შესაბამისი ფართის შერჩევა.
ღირებულება
კონდიციონერის არჩევისას ასევე აუცილებელია გაითვალისწინოთ სხვადასხვა ხარჯები, უშუალოდ პროდუქტის ღირებულების გარდა. ხარჯების სრული მოცულობის გააზრება, მონტაჟის, ექსპლუატაციის და ტექნიკური ხარჯების ჩათვლით, დაგეხმარებათ მიიღოთ გადაწყვეტილება.
- კონდიციონერის შესაძენი ფასი – კონდიციონერის შესაძენი ფასი შეიძლება მნიშვნელოვნად განსხვავდებოდეს ტიპის, ბრენდისა და მახასიათებლების მიხედვით. შესაძლოა კონდიციონერს ჰქონდეს მაღალი შესაძენი ფასი მაგრამ იმდენად ენერგო ეფექტური და იმდენად ეკონომიური იყოს რომ ხანგრძლივ პერსპექტივაში ბევრად უკეთესი იყოს თქვენი ბიუჯეტისთვის.
- მონტაჟის ხარჯები – მონტაჟის ხარჯები არის კიდევ ერთი მნიშვნელოვანი ფაქტორი, რომელიც გასათვალისწინებელია. სტანდარტულ ადგილებში, ფანჯარასთან, აივანზე და მსგავს ადგილებში მონტაჟის ხარჯი სტანდარტულია, თუმცა თუ დასამონტაჟებელი ადგილი არასტანდარტულია, სჭირდება დიდი მილი, ან საჭიროებს გარკვეული სივრცის მოპირკეთებას შესაბამისად კონდიციონერის მონტაჟის ფასიც იმატებს.
- ტექნიკური და მომსახურების ხარჯები – კონდიციონერის ტექნიკური და სერვისის ხარჯები ძირითადად დამოკიდებულია მის ენერგო ეფექტურებაზე და გამძლეობაზე. სპეციალისტების და მწარმოებლის რჩევით კონდიციონერს სჭირდება პერიოდული სერვისები, ფილტრის გაწმენდა, ფილტრის გამოცვლა და სისტემის გამართულობის შემოწმება.
ხმაურის დონე
კონდიციონერის არჩევისას ხმაურის დონე მნიშვნელოვანი ფაქტორია, განსაკუთრებით იმ შემთხვევაში, თუ საძინებელში ან მისაღებ ოთახში ამონტაჟებთ. ხმამაღალმა კონდიციონერმა შესაძლოა ხელი შეგიშალოთ განტვირთვასა თუ ძილში.
კონდიციონერის ხმაურის დონე, როგორც წესი, იზომება დეციბელებში (DB). მაგალითისთვის, ჩვეულებრივი საუბარი დაახლოებით 60 დეციბელს შეადგენს, ხოლო მშვიდი ბიბლიოთეკა დაახლოებით 40 დეციბელს. კონდიციონერები შეიძლება მერყეობდნენ დაახლოებით 25 დბ (ძალიან ხმადაბალი) 60 დბ -მდე (საკმაოდ ხმამაღალი). ხმაურის დაბალი დონის მქონე კონდიციონერის შერჩევამ შეიძლება მნიშვნელოვნად გააუმჯობესოს თქვენი კომფორტი.
მონტაჟი
კონდიციონერის სწორად არჩევა ერთი საკითხია, უსაფრთხოდ დამონტაჟება მეორე. არის რამდენიმე მნიშვნელოვანი საკითხი რაც უნდა გაითვალისწინოთ კონდიციონერის მონტაჟისას.
პირველი საკითხი რაც აუცილებლად გასათვალისწინებელია არის ის რომ ანდოთ მონტაჟი პროფესიონალს. ნუ ეცდებით საკუთარი ძალებით კონდიციონერის დაყენებას, რამდენიმე მნიშნელოვანი ფაქტორია გასათვალისწინებელი და პროფესიონალის გარეშე შესაძლოა მნიშვნელოვანი დეტალი გამოგრჩეთ. ამან შეიძლება გამოიწვიოს კონდიციონერის არასწორი მუშაობა, ენერგიის დიდი რაოდენობით ხარჯვა, ჰაერის დაბინძრობა სახლში და სხვა პრობლემები.
დასამონტაჟებელ ადგილს დიდი გავლენა აქვს კონდიციონერის მუშაობაზე, იმაზე თუ რამდენად ეფექტურად იყენებს ენერგიას და რამდენად გამართულად მუშაობს. სასურველია თუ კონდიციონერის გარე ნაწილი ჩრდილიან ადგილზე იქნება, ეს ხელს უწყობს უკეთეს გაგრილებას შიდა სივრცეში და კონდიციონერის ხანგრძლივ მუშაობას. დარწმუნდით, რომ მის გარშემო საკმარისი სივრცეა ისე, რომ ჰაერი მოძრაობდეს და იყოს ადვილად დასასუფთავებელი. ასევე გასათვალისწინებელია რომ შდა ნაწილი უნდა იყოს მინიმუმ 10-20 სანტიმეტრით მაღლა ვიდრე გარე ნაწილი, ეს აუცილებელია წყლის გამოყოფის შემდეგ გარეთ გადინებისთვის.
ჭკვიანი ფუნქციები
ჭკვიანი სახლების და ხელოვნური ინტეელქტის ეპოქაში, თანამედროვე კონდიციონერები აღჭურვილია ჭკვიანი ფუნქციებით და უახლესი ტექნოლოგიებით, რომლებიც მეტ კომფორტს გიქმნით. სახლისთვის კონდიციონერის არჩევისას, ამ ჭკვიანი ფუნქციების გათვალისწინებამ შეიძლება მნიშვნელოვნად იმოქმედოს თქვენს საერთო კმაყოფილებაზე.
- Wi-Fi და ჭკვიანი სახლის ინტეგრაცია – თანამედროვე კონდიციონერების ერთ-ერთი ყველაზე სასურველი ფუნქციაა Wi-Fi-სთან კავშირი, რაც საშუალებას იძლევა ინტეგრირდეს ჭკვიანი სახლის სისტემებთან. ასეთი ფუნქცია საშალებას გაძლევთ აკონტროლოთ ტემპერატურა სახლში დისტანციურად, თუნდაც სახლიდან შორს, მობილური აპლიკაციით. ჭკვიან სახლთან ინტეგრაცია ასევე ხელს უწყობს ენერგიის მოხმარების ეფექტურობას, უსაფრთხოებას და კონდიციონერის კომფორტულად მოხმარებას.
- პროგრამირებადი წამზომი და თერმოსტატი – პროგრამირებადი წამზომი და თერმოსტატი აუცილებელი დეტალებია ეფექტურობისა და კომფორტისთვის. პროგრამირებადი წამზომით შეგიძლიათ დააყენოთ დრო, რა დროშიც ჩაირთვება ან გამოირთვება კონდიციონერი. თერმოსტატი უზრუნველყოფს ავტომატურ ჩართვას ან გამორთვას გარკვეული ტემპერატურის მიღწევის შემთხვევაში.
ჰაერის ფილტრაცია
სხვა ფაქტორებთან ერთად კონდიციონერის არჩევისას ჰაერის სისუფთავე და ფილტრაცია ერთ-ერთი გადამწყვეტია. გარდა გაგრილებისა მაღალი ხარისხის თანამედროვე კონდიციონერს აუცილებლად აქვს ჰაერის წმენდის და ფილტრაციის ფუნქციები. უნდა იცოდეთ ჰაერის ფილტრაციის მნიშვნელობის, სხვადასხვა ტიპის ფილტრებისა და ფუნქციების შესახებ?
ჰაერის ფილტრაციის მნიშვნელობა
ჰაერის ფილტრაცია აუცილებელია გარედან დაბინძრებული ჰაერის შემოსვლისგან თავის დასაცავად. ხარისხიანი ფილტრი ასევე გიცავთ ვირუსების და ბაქტერიებისგან. მაღალი ხარისხის კონციდიონერებს აქვს შესაბამისი ფილტრები რაც გვიცავს სასუნთქი პრობლემებისგან, ალერგიისა და ჯანმრთელობის სხვა პრობლემებისგან. გარდა ამისა, სუფთა ჰაერი ხელს უწყობს სასიამოვნო შიდა გარემოს შექმნას სახლში.
ფილტრების სახეები
კონდიციონერებში გამოიყენება რამდენიმე ტიპის ფილტრი, რომელთაგან თითოეული შექმნილია სხვადასხვა დამაბინძურებლების მიმართ:
- HEPA ფილტრები – მაღალი ეფექტურობის ჰაერის ნაწილაკების ფილტრები (HEPA) ერთ-ერთი ყველაზე ეფექტურია, რომელსაც შეუძლია დაიჭიროს 0,3 მიკრონიანი ნაწილაკების 99,97%. ეს ფილტრები შესანიშნავია მტვრის წვრილი ნაწილაკებისგან თავის დასაცავად, რაც თავიდან გვარიდებს ალერგიულ და სასუნთქ პრობლემებს.
- ნახშირბადის ფილტრები – ნახშირბადის ფილტრები შექმნილია ჰაერიდან სუნის, ბუნებრივი აირის და ორგანული ნაერთების მოსაშორებლად. ასეთი ფილტრი განსაკუთრებით ფილტრავს კვამლის, სამზარეულოს სუნის, სხვა უსიამოვნო სუნის და ასევე მავნე ქიმიკატებს.
- ელექტროსტატიკური ფილტრები – ამ ტიპის ფილტრები იყენებენ ელექტრული მუხტის ნაწილაკების მოსაზიდად და დასაჭერად. ისინი შეიძლება იყოს ძალიან ეფექტური მტვრისა და ჰაერის სხვა დამაბინძურებლების დასაჭერად და ხშირად ირეცხება და ხელახლა გამოიყენება, რაც მათ დროთა განმავლობაში ეკონომიურად აქცევს.
დასკვნა
სახლისთვის სწორი კონდიციონერის არჩევა მოიცავს რამდენიმე ფაქტორის გათვალისწინებას, ენერგოეფექტურობისა და ხმაურის დონეებიდან დაწყებული, მონტაჟის და ჭკვიან ფუნქციების ჩათვლით. კარგად შერჩეული კონდიციონერი არა მხოლოდ უზრუნველყოფს კომფორტს ცხელ ამინდში, არამედ აუმჯობესებს შიდა ჰაერის ხარისხს და მუშაობს ეფექტურად, დაზოგავს ფინანსებს კომუნალურ გადასახადებზე.
ბევრი სახლისთვის სპლიტ-სისტემის (სტანდარტული შდა და გარე სექციით) კონდიციონერები შესანიშნავი არჩევანია მათი მშვიდი მუშაობის, ეფექტური გაგრილებისა და მონტაჟის მოქნილობის გამო. ისინი შესაფერისია რამდენიმე ოთახის ან დიდი ფართის მქონე სახლებისთვის.
Region Technics-ში ჩვენ გვესმის ჩვენი მომხმარებლების მრავალფეროვანი საჭიროებები და გთავაზობთ კონდიციონერების ფართო არჩევანს, რომელიც მოერგება ნებისმიერ სახლს და ბიუჯეტს. ჩვენი პროდუქცია მოიცავს მოდელებს, რომლებიც აღჭურვილია უახლესი ტექნოლოგიებით, როგორიცაა Wi-Fi კავშირი, უახლესი ფილტრაციის სისტემები და ენერგიის დაზოგვის ფუნქციები, რაც უზრუნველყოფს თქვენს საჭიროებებს.
დაათვალიერეთ კონდიციონერების ფართო არჩევანი ჩვენს ვებ გვერდზე. მიუხედავად იმისა თუ რა ტიპის კონდიციონერს ეძებთ Region Technics-ს აქვს თქვენთვის შესაფერისი პროდუქტი. ჩვენი კვალიფიციური პერსონალი ყოველთვის მზად არის დაგეხმაროთ ინფორმირებული გადაწყვეტილების მიღებაში, რათა თქვენი სახლი იყოს კომფორტული და გრილი მთელი წლის განმავლობაში.