შესავალი
მაშინ, როდესაც ცხოვრების ტემპი ასეთი აჩქარებულია და ჩვენც მუდმივად სადღაც მიგვეჩქარება, იმისათვის, რომ თანამედროვე ადამიანი დაეწიოს ყოველდღიურობით ამ ტემპს და არ ჩამორჩეს ჯანსაღი ცხოვრების ტენდენციებს, აუცილებელია, მხოლოდ ხარისხიან და კომფორტულ ტექნიკაზე გააკეთოს არჩევანი. ყოველდღიური რუტინის შესამსუბუქებლად, ჯანსაღი საკვების ვარგისიანობის გასახანგრძლივებლად ყოველი სამზარეულოს მნიშვნელოვანი და განუყოფელი შემადგენელი ნაწილია მაცივარი, რომლის ნაირსახეობასაც ვხვდებით დღევანდელ ბაზარზე.
მაცივრის მოხმარების აუცილებლობა და სიხშირის გაზრდა, განსაკუთრებით, თბილ და ცხელ დღეებში ხდება თვალსაჩინო. იმისათვის, რომ პროდუქტმა შეინარჩუნოს ნუტრიციული ღირებულებები, არ გავრცელდეს საკვებში ადამიანისთვის არასასურველი და ზოგჯერ საშიში ბაქტერიები და საკვებმა გაიხანგრძლივოს ნედლი და ქორფა თვისებები, საჭიროა მაცივრის სწორი შერჩევა.
მაცივრის ტიპები
იმისათვის, რომ თქვენს სამზარეულოში სრული კომფორტი სუფევდეს, მაცივრის შერჩევისას მახასიათებლებთან ერთად, ხშირად გადამწყვეტი მნიშვნელობა მის ზომას, ფორმასა და ფერს ენიჭება ამიტომ მაცივრის შერჩევისას, მნიშვნელოვანია, ყურადღება გავამახვილოთ როგორც ზომისა და მოცულობაზე, ასევე მის ფერსა და გარეგნულ მახასიათებლებზე. და თუ საბოლოოდ გადაწყვიტეთ ახალი მაცივრის შეძენა, არ გამოგრჩეთ შემდეგი მახასიათებლები: კამერების რაოდენობა; საყინულის განლაგება (ზედა თუ ქვედა მხარეს), მაცივრის ტიპი (მშრალი ყინვით თუ ნახევრადმშრალი), ენერგოეფექტურობა და რა თქმა უნდა, ზემოთ ჩამოთვლილი მახასიათებლების შესაბამისი და თქვენთვის მისაღები ფასი.
თუ თქვენთვის მნიშნელოვანია მაცივრის სტილი, რაც ასევე განსაზღვრავს მის როგორც გარეგნულობას, ასევე მახასიათებლებს, შეგვიძლია განვიხილოთ რამოდენიმე სახეობა: ზედა ან ქვედა საყინულე, ფრანგული კარი, გვერდიგვერდ კარი, ოთხკარიანი მაცივარი.
- ზედა საყინულე – საყინულე განლაგებულია მაცივრის ზედა მხარეს გამოყოფილი კარით. ტრადიციული მაცივრის ვიზუალი, მაცივრის განყოფილება ბევრად დიდია მოცულობით, ვიდრე საყინულე, საყინულეს ადვილად მიუდგებით და არ გჭირდებათ დახრა, მარტივი ფუნქციები და ხელმისაწვდომი ფასი.
- ქვედა საყინულე – ქვედა განყოფილება საყინულე, ხოლო ზედა – მაცივარი, ორივე განყოფილებას გვერდითა მიმართულებით ეღრება ერთმანეთისგან დამოუკიდებელი კარი. საყინულესთან შედარებით დიდი მოცულბის მაცივრის ნაწილი, ფართო კარები (მაცივრის წინა მხარეს მოითხოვს შედარებით დიდ სივრცეს, კარის გაღების შესაძლებლობისთვის), მარტივი ფუნქციები, ფასი შესაძლოა მერყეობდეს მაცივრის მოცულობის, ენერგოეფექტურობისა და ბრენდის გათვალისწინებით.
- ფრანგული კარი – ორი გვერდიგვერდ კარი ზედა განყოფილებაში, საყინულის უჯრა ქვედა განყოფილებაში; მაცივრისა და საყინულის ფართო განყოფილებები, ისეთი პროდუქტებისთვის, როგორიცაა გაყინული პიცა ან დიდი პორცია გამოსაცხობად გამზადებული მზა პროდუქტები; მრავალფეროვანი მაცივრისა და საყინულის ფუნქციები; რეგულირებადი თაროები, დაყოფილი კონტეინერები და სხვა მოსახერხებელი შესანახი ფუნქციები; წყლისა და ყინულის გარე დისპენსერი.
- გვერდიგვერდ კარი – ორი კარი, რომლებიც იღება ცენტრიდან, ერთ მხარეს საყინულის განყოფილება, მეორე მხარეს მაცივრის. ფრანგულ სტილთან შედარებით საყინულეს მეტი მოცულობა აქვს; შენახვის ვერტიკალური სტილი საშუალებას გაძლევთ თვალის სიმაღლეზე შეინახოთ როგორც ნედლი, ასევე გაყინული პროდუქცია; რეგულირებადი თაროები, კარის განყოფილებები და ბევრი სხვა ფუნქცია კომფორტული მოხმარებისთვის; გარე დისპენსერი წყლისა და ყინულისთვის; იდეალურია სამზარეულოს მომცრო სივრცეში დასამონტაჟებლად, ვიწრო კარის გაღებისას არ გჭირდებათ დიდი სივრცე;
- ოთხკარიანი – ოთხივე კარი იღება ცენტრიდან; საყინულის ორი კარი ქვედა მხარეს, ხოლო მაცივრის ორი კარი ზედა მხარეს; პროდუქტების ორგანიზებისთვის მოქნილი სივრცე; ადვილად მისაწვდომი თაროები; უნიკალური გარეგნული მახასიათებლები; ოთხი კარი საშუალებას გაძლევთ ადვილად მიუდგეთ, როგორც პროდუქტებს, ასევე ადვილად გაწმინდოთ მისი შიგთავსი;
მაცივრის არჩევისას, ასევე გასათვალისწინებელია ის, თუ როგორი სივრცე გვაქვს გამოყოფილი სამზარეულოში მისთვის, ანუ სად ვამონტაჟებთ მაცივარს. იმის მიხედვით, თუ სად და როგორ გვინდა მაცივრის დადგმა შეგვიძლია გამოვყოთ სამი სახეობა: ცალკემდგომი მაცივარი (Freestanding refrigerator), ჩაშენებული მაცივარი (Built-in refrigerator) და ჩადგმული მაცივარი (Counter-depth refrigerator). რათა უფრო კარგად მოარგოთ სამზარეულოს თქვენთვის სასურველი მაცივარი, გაითვალისწინეთ შემდეგი:
- ცალკემდგომი მაცივარი (Freestanding refrigerator) – ამ მაცივრის ინსტალაციისთვის თქვენ გჭირდებათ მხოლოდ მცირე სივრცე მის გარშემო და დენის წყარო, სადაც შეართებთ მაცივარს. ცალკემდგომი მაცივრისთვის არ არის აუცილებელი, რომ განთავსდეს რაიმე სპეციალურ სივრცეში, თუმცა აუცილებლად უნდა დავრწმუნდეთ იმაში, რომ მაცივარი თავისუფლად ეტევა მისთვის განკუთვნილ სივრცეში. მაცივრის დაინსტალირების ეს სახეობა სხვა სახეობებთან შედარებით ყველაზე მრავალფეროვანია თავისი ფუნქციებითა და კონფიგურაციის სახეობებით.
- ჩაშენებული მაცივარი (Built-in refrigerator) – იმისათვის, რომ მაცივარი არ გამოიკვეთებოდეს სამზარეულოში და კარადის ვიზუალი მიეცეს, მაცივარს აინსტალირებენ კარადაში და ამაგრებენ კედელზე. როგორც წესი, აღნიშნული მაცივრები შედარებით მაღალი და განიერია და ძირითადად ეს ანაზღაურებს სიღრმის ნაკლებობას. სწორედ, იმის გამო, რომ მაცივარი უნდა გაუტოლდეს სამზარეულოს კარადებს, მისი სიღრმე ნაკლებია. თუ თქვენ უახლოეს მომავალში გეგმავთ რემონტს, ან ბინის შეცვლას, შესაძლოა, თქვენთვის ეს არ იყოს კარგი არჩევანი.
- ჩადგმული მაცივარი (Counter-depth refrigerator) – თუ გსურთ ეკონომიური და სივრცის დამზოგველი მაცივრის შეძენა ჩადგმული მაცივარი მშვენიერი არჩევანია. სწორედ აღნიშნული მაცივრის სახეობით შეძლებთ სამზარეულოს კარადებთან მიმართებაში ერთიანი იერსახის მიღწევას. ჩადგმული მაცივრის სიღრმე (შესაძლოა 60სმ-ს აღწევდეს) და სიმაღლეც შედარებით ნაკლებია, თუმცა მისი სიგანე შესაძლოა, აღემატებოდეს საშუალო ზომას. ჩადგმული მაცივარიც ცალკემდგომი მაცივრის ტიპს წარმოადგენენ, რომლის ინსტალაცია ძალიან ადვილია იმ შემთხვევაშიც კი, თუ საცხოვრებლის შეცვლას ან რემონტს დაგეგმავთ.
როგორ მოვუაროთ მაცივარს და გავახანგრძლივოთ მისი მოხმარების ვადა?
თითქოს ყველაზე „დამოუკიდებელი“ ტექნიკაც საჭიროებს ჩვენგან მოვლას და გარკვეული წესების დაცვას, რაც არც ისე რთულია, როგორც ჟღერს. არსებობს რამოდენიმე საკითხი, რასაც უნდა მივაქციოთ ყურადღება და გავითვალისწინოთ მაცივრის დაინსტალირებისას და მისი მოვლისას. პირველი რასაც უნდა მივაქციოთ ყურადღება არის:
- ტემპერატურა: მიაქციეთ ყურადღება როგორც მაცივრის, ასევე საყინულის ტემპერატურას. მაცივრისთვის იდეალური ტემპერატურაა 3-4°C მაშინ, როდესაც საყინულის იდეალური ტემპერატურაა -18°C. ამ ტემპერატურის შენარჩუნება არამხოლოდ საკვები პროდუქტის შენახვისთვის არის ოპტიმალური, არამედ მაცივრის გამართული მუშაობისთვისაც.
- კარის რეზინა: მაცივრის კარის რეზინა ინარჩუნებს მაცივრის სრულ დახშულობას. იმ შემთხვევაში თუ მაცივრის რეზინა დაზიანებულია შესაძლოა მაცივრიდან გამოიდევნოს სიცივე, ამ შემთხვევაში მაცივარს უფრო დიდი დატვირთვა აქვს იმისთვის, რომ შეინარჩუნოს ტემპერატურა შიდა სივრცეში. რეზინაში შესაძლოა აღმოჩნდეს მტვერი ან საკვების ნარჩენები, სწორედ ამიტომაა უკეთესი გაიწმინდოს მაცივარი წელიწადში რამოდენიმეჯერ (მინიმუმ ორჯერ) რბილი კბილის ჯაგრისით და საკვები სოდისა და წყლის მარტივი ნაზავით.
- ფილტრები: თუ თქვენს მაცივარს აქვს ყინულის ან/და წყლის დისპენსერი აუცილებელია ყურადღება მიაქციოთ ფილტრებს, რაც დროის განმავლობაში იბიდნება წყლის ნალექით და შესაძლოა ამის გამო გამოვიდეს მწყობრიდან. იმ შემთხვევაში, თუ შესაძლებელია ფილტრის მოხსნა, წელიწადში ორჯერ შეგიძლიათ წყლისა და ძმრის ნაზავში ჩაალბოთ სრულ გასუფთავებამდე, ხოლო თუ არ იხსნება ფილტრი, უბრალოდ, შეცვალოთ 6 თვეში ერთხელ.
ასევე რამოდენიმე მნიშვნელოვანი ფაქტორია მაცივრის გამართული მუშაობისთვის: სასურველია მაცივარი იყოს სავსე, რათა შენარჩუნდეს ტემპერატურა; მიაქციეთ ყურადღება მაცივრის ხვეულების სისუფთავეს, რაც განლაგებულია მაცივრის ქვედა ან უკანა მხარეს; და ასევე მაცივრის მთლიან ჰიგიენას, მისი გასუფთავება, ყინულის გალღობა და გამოწმენდა, აუცილებელია თვეში ერთხელ მაინც;
გაითვალისწინეთ! ყოველგვარი წმენდითი პროცედურები, აუცილებელია ჩატარდეს გამორთულ მდგომარეობაში.
როგორ შევარჩიოთ მაცივარი ენერგოეფექტურობის მიხედვით?
საყოფაცხოვრებო ტექნიკის ენერგოეფექტურობის შვიდ დონეს გამოყოფენ: A, B, C, D, E, F, G. რაც გულისხმობს იმას, რომ A ტიპის ტექნიკა უფრო ენერგოეფექტურია, ვიდრე B, ხოლო ყველაზე ნაკლებად ენერგოეფექტურია ტექნიკა, რომელიც განეკუთვნება G დონეს. ასევე არსებობს (+) ნიშნიანი ტექნიკა, რაც უფრო მეტი პლიუსი აქვს A დონეს, მით უფრო ენერგოეფექტურია ის.
დასკვნა
მაცივრის ყიდვისას მნიშვნელოვანია გავითვალისწინოთ თუ რა დატვირთვით მოგიწევთ მისი გამოყენება, ოფისისთვის გნებავთ, თუ ოჯახისთვის, რამდენად ტევადი და ენერგოეფექტური გსურთ რომ იყოს თქვენი მაცივარი, ამ ყველაფრის გათვალისწინებით თქვენ თამამად შეგიძლიათ regiontechnics.ge-ზე შოფინგი, რადგან ჩვენ უზრუნველვყოფთ მრავალფეროვან არჩევანს და თქვენთვის სასურველი ტექნიკის სწრაფ და უსაფრთხო მოწოდებას.