შესავალი
დღევანდელ ტექნოლოგიურად განვითავრებულ სამყაროში სმარტფონები ჩვენი ყოველდღიურობის უცვლელი ნაწილია, ისინი გვაკავშრებენ ოჯახთან და მეგობრებთან, გვეხმარებიან საქმიან ურთიერთობებში, სწავლასა თუ გართობაში.არსებობს უამრავი ტიპის და მახასიათებლების სმარტფონი, ერთი შეხედვით შესაძლოა რთული ჩანდეს სმარტფონის არჩევა მაგრამ ამ ბლოგში ჩვენ დაგეხმარებით საგრძნობლად შეიმსუბუქოთ შერჩევის პროცესი.ეს ბლოგი იქნება თქვენი გზამკვლევი სასურველი სმარტფონის ასარჩევად, გაიგებთ თუ რა მახასიათებლებს უნდა მიაქციოთ ყურადღება, რა განსაზღვრავს ფასს და როგორ შეგიძლიათ შეარჩიოთ საჭირო და სასურველი სმარტფონი თქვენთვის.
სმარტფონის ტიპები
სმარტფონის შერჩევისას გასათვალისწინებელია რა ტიპის სმარტფონს ეძებთ, ასე შეძლებთ თქვენი საჭროებების, სურვილების და ბიუჯეტის მორგებას სასურველ სმარტფონზე. სმარტფონები შესაძლოა დავყოთ სამ ძრითად კატეგორიად: ფლაგმანები (უმაღლესი კლასი), საშუალო დონის და ბიუჯეტური. თითოეულ ტიპს აქვს თავისი უპირატესობები და ნაკლები. მოდით განვიხილოთ სათითაოდ.
“ფლაგმანი” სმარტფონები:
- უმაღლესი დონის მოდელები ძირითადი ბრენდებიდან, რომლებიც გვთავაზობენ უახლეს და მოწინავე ტექნოლოგიაებს.
- ფლაგმანურ სმარტფონებს აქვს პრემიუმ ფუნქციებით, როგორიცაა მაღალი გარჩევადობის ეკრანი, მძლავრი პროცესორი, გამორჩეული კამერის სისტემები და მძლავრი ელემენტი.
- მათ ხშირად გააჩნიათ უახლესი პროგრამული განახლებები და უახლესი ინოვაციები, როგორიცაა 5G თავსებადობა, ხელოვნური ინტელექტის მხარდაჭერა და ბიომეტრიული უსაფრთხოების მახასიათებლები.
- მიუხედავად იმისა, რომ ისინი უზრუნველყოფენ ყველანაირ კომფორტს, ისინი, როგორც წესი, საკმაოდ ძვირი სიამოვნებაა.
საშუალო დონის სმარტფონები:
- საშუალო დონის სმარტფონებში კარგად არის დაცული ბალანსი ბიუჯეტურ მომხმარებლებსა და ხარისხს შორის.
- ისინი გვთავაზობენ “ფლაგმანურ” მოდელებში არსებულ ბევრ მახასიათებელს, როგორიცაა ხელოვნური ინტელექტის მხარდაჭერა, მაღალი რეზოლუციის ეკრანი და ხარისხიანი კამერის სისტემები, თუმცა ყოველთვის არის მცირე ნიუანსი მაინც რითიც ამ ტიპის მოდელები ჩამორჩება მოწინავე ტიპის სმარტფონებს.
- ამ ტიპის სმარტფონის არჩევისას თუ ყურადღებით იქნებით შესაძლოა თქვენთვის სასურველი ყველა მახასიათებლით შეარჩიოთ სმარტფონი და არ მოგიწიოთ ისეთი ძვირის გადახდა როგორიც უმაღლესი დონის სმარტფონების შემთხვევაში.
- ასეთ სმარტფონებს ხშირ შემთხვევაში შეიძლება ჰქონდეთ პროცესორის შედარებით დაბალი სიმძლავრე, ან ფოტო და ვიდეო კამერის შედარებით დაბალი ხარისხი ან ელემენტის შედარებით მცირე სიმძლავრე მაგრამ ხშირ შემთხვევაში მომხმარებლისთვის შეუმჩნეველიც კი არის ზოგი მახასიათებელი.
ბიუჯეტური სმარტფონები:
- ბიუჯეტური სმარტფონები საკმაოდ პოპულარულია გარკვეული ტიპის მომხმარებლისთვის, რეალურად მომხმარებლის პრიორიტეტები თუ განსაზღვრულია და ემსახურება მხოლოდ განსაზღვრულ მახასიათებლებს მათ შეუძლიათ ყველა მოთხოვნილების დაკმაყოფილება ზედმეტის გადახსის გარეშე.
- ასეთი ტიპის სმარტფონები ხშირად გვთავაზობენ ნაკლები გარჩევადობის ეკრანებს, შედარებით მოძველებულ ოპერაციულ სისტემებს და დაბალი გარჩევადობის ფოტო და ვიდეო კამერებს, ასევე ელემენტის ნაკლებ სიმძლავრეს.
- მიუხედავად ფუნქციური ნაკლებისა, ასეთი ტიპის სმარტფონები ხშირად სავსებით საკმარისია ყოველდღიური მოთხოვნილებების დასაკმაყოფილებლად, კომუნიკაციისთვის, ინფორმაციის მისაღებად და გასართობად.
- მთავარი პლიუსი კი რა თქმა უნდა ბიუჯეტური ფასია, რაც ზოგ შემთხვევაში გადამწყვეტი ფაქტორიც კი არის ხოლმე.
თქვენთვის სასურველი ტიპის განსაზღვრა დაგეხმარებათ სასურველი და საჭირო სმარტფონის შერჩევაში, რაც ხშირად საკამაოდ რთულად გადასაწყვეტი საკითხია.
ძირითადი მახასიათებლები
თქვენთვის შესაფერისი სმარტფონის არჩევისას მნიშვნელოვანია გავითვალისწინოთ რამდენიმე ძირითადი ფუნქცია, რომელიც მნიშვნელოვანი იქნება ტელეფონის მოხმარებისას.
ზომა
ერთ-ერთი უმნიშვნელოვანი მახასიათებელი სმარტფონის არჩევისას არის ზომა. ტელეფონის ზომა განსაზღვრავს რამდენად კომფორტულია ჯიბეში ჩასადებად, ხელსი საჭერად, ერთი ხელით გამოსაყენებლად, სატარებლად რამდენად კომფორტულია ტელეფონის წონა და სხვა ფაქტორებს. იგივე შეგვიძლია ვთქვათ ვიდეო თამაშების მოყვარულებზეც, მათთვის პატარა სმარტფონი დიდი ალბათობით მოუხერხებელი იქნება და უკეთესია ფართო ეკრანი ჰქონდეს ტელეფონს. ეკრანის ზომა ასევე გასათვალისწინებელია მათთვის ვისაც ხშირად უწევს ტელეფონით სამსახურის საქმეებზე მუშაობა ან სწავლა, მცირე ზომის ეკრანზე ასეთი საქმის კეთება ოდნავ მოუხერხებელია.
კამერა
ფოტო და ვიდეო გადაღების მოყვარულთათვის გასათვალისწინებელია ბევრი რთული მახასიათებელი. ასეთი ტიპის მომხმარებლებისთვის გასათვალისწინებელია ისეთი მახასიათებლები როგორებიცაა დიაფრაგმის გახსნა, მეგაპიქსელების და ულტრაპიქსელების რაოდენობა, გამოსახულების სტაბილისაცია, ეკრანის რეზოლუცია, ეკრანის გამოსახულების განახლების სიხშირე და სხვა დეტალები. ამ გზით, თქვენ შეგიძლიათ ნახოთ, აკმაყოფილებს თუ არა კამერა თქვენს მოთხოვნებს. ასევე გაითვალისწინეთ კამერის ლინზის ტიპი. ფართო კუთხის ლინზებით შეგიძლიათ გადაიღოთ პეიზაჟები, ხოლო ტელეფოტო ლინზა საშუალებას გაძლევთ მაკრო ფოტოგრაფიაშიც სცადოთ ბედი.
ელემენტი
მიგაჩნიათ თუ არა მნიშვნელოვნად დღის განმავლობაში სმარტფონის გამოყენება დატენვის გარეშე? უამრავი მომხმარებლისთვის ელემენტის სიმძლავრე ერთ-ერთი უმნიშვნელოვანესია ტელეფონის შერჩევისას. სმარტფონის ელემენტის ხანგრძლივობა დიდწილად დამოკიდებულია თქვენს გამოყენებასა და პარამეტრებზე. საშუალოდ მომხმარებელს შეუძლია მთელი დღე გაძლოს 5000 ამპერი სიმძლავრის ელემენტით. და თუ მაინც არ აქვს თქვენთვის გადამწყვეტი მნიშნელობა ელემენტის სიძლავრეს შეამოწმეთ აქვს თუ არა ტელეფონს სწრაფი დატენვის ან უკაბელო დატენვის ფუნქცია. ეს დამატებითი ფუნქციები აგინაზღაურებთ მძლავრი ელემენტის აქრონას.
ოპერაციული სისტემა
ყველაზე გავრცელებული ოპერაციული სისტემებია iOS და Android. iOS ოპერაციული სისტემა შეგიძლიათ იხილოთ Apple-ის სმარტფონებზე და ის ცნობილია თავისი უსაფრთხოებით. თუმცა, მას აქვს შეზღუდული პარამეტრები, თუ გსურთ ფაილების გაცვლა Apple-ის სმარტფონიდან სხვა მოწყობილობებზე, გარდა Apple-ის პროდუქტციისა. Android არის უმეტესობა სხვა ბრენდების ოპერაციული სისტემა, მათ შორის Samsung, OnePlus და Xiaomi. ეს პრენდები მომხმარებელს საშუალებას აძლევენ ტელეფონზე დააყენონ სასურველი აპლიკაციები თუმცა ეს ზოგ შემთხვევაში არც ისე უსაფრთხოა.
სისწრაფე
თუ მოგწონთ თამაშები ან თუ ერთდროულად იყენებთ ბევრ აპლიკაციას ძალიან მნიშვნელოვანია სმარტფონის სისწრაფე. პირველი მახასიათებელი სისწრაფის შესამოწმებლად არის პროცესორი, პროცესორი უზრუნველყოფს ერთი აპლიკაციის ან თამაშის სწრაფად მუშაობას და შეუფერხებლად მოხმარებას, ოპერატიული მეხსიერება (RAM) დაგეხმარებათ ბევრი მცირე მოცულობის აპლიკაციის მუშაობისას, რაც მეტია ოპერატიული მეხსიერება მით ნაკლებია შანსი რომ ბევრი აპლიკაციის სინქრონულად მუშაობისას ტელეფონმა შეფერხებით იმუშაოს ან შეაჩეროს მუშაობა გადატვირთვამდე. კიდევ ერთი მახასიათებელი ოპერაციული სისტემის ვერსიაა, რა თქმა უნდა ოპერაციული სისტემის განახლება (Update) ხელს უწყობს ახალი აპლიკაციების ხელმისაწვდომობას და ტელეფონის გამართულად მუშაობას.
როგორ შევარჩიოთ ჩვენზე მორგებული სმარტფონი
სმარტფონის არჩევისას უნდა გაითვალისწინოთ რამდენიმე მნიშვნელოვანი ფაქტორი, რათა შეარჩიოთ თქვენზე მორგებული ტელეფონი.
- საჭიროებები – გააანალიზეთ, რა საჭიროებებს უნდა აკმაყოფილებდეს სმარტფონი: სამუშაოსთვის, სწავლისთვის, ან გართობისთვის. თითოეულ მიზანს სხვადასხვა მახასიათებლები ესაჭიროება.
- ბიუჯეტი – განსაზღვრეთ, რა თანხა შეგიძლიათ დახარჯოთ სმარტფონზე. „ფლაგმანური“ მოწყობილობები ხშირად ძვირადღირებულია, მაგრამ ბაზარზე არსებობს მძლავრი და ბიუჯეტური სმარტფონებიც.
- ეკრანის ზომა და ხარისხი – ეკრანის ზომა და ხარისხი მნიშვნელოვანია სმარტფონის კომფორტული გამოყენებისთვის. განსაზღვრეთ, რომელია თქვენთვის სასურველი ზომა და შეარჩიეთ სმარტფონი თქვენთვის სასურველი ეკრანით.
- ელემენტის სიმძლავრე – აარჩიეთ სმარტფონი, რომელიც საკმარისად დიდხანს ძლებს ერთი დატენვით. ზოგ სმარტფონს აქვს სწრაფი დატენვის და უკაბელო დატენვის ფუნქციებიც.
- კამერა – იმ შემთხვევაში თუ ფოტო და ვიდეო გადაღება თქვენთვის მნიშვნელოვანია, შეამოწმეთ კამერის ხარისხი. მეგა პიქსელების და ულტრა პიქსელების რაოდენობა და გადაღების დამატებითი ფუნქციები
- შიდა მეხსიერება – შეარჩიეთ ისეთი მოცულობის შიდა მეხსიერება, რომელიც გეყოფათ ყველა თქვენს მონაცემის შესანახად.
- ოპერაციული სისტემა – აირჩიეთ თქვენთვის სასურველი ოპერაციული სისტემა, მაგალითად, iOS ან Android.
- დიზაინი და გამძლეობა – შეამოწმეთ სმარტფონის დიზაინი და მასალა. გამძლეობა მნიშვნელოვანია, თუ ხშირად მოძრაობთ ან შემთხვევითი დაზიანებები ხშირია.
დასკვნა
Region Technics-ის ვებ გვერდზე შეგიძლიათ შეარჩიოთ სასურველი სმარტფონი მისაღებ ფასად. ეწვიეთ სმარტფონების სექციას და შეარჩიეთ მრავალფუნქციური ფილტრების გამოყენებით ნებისმიერი სახის ტელეფონი.